NORWEGIAN NEWS: NRK

Link: http://www.nrk.no/nyheter/verden/1.7521362

Photo: Barbara Veiga

           Andhøy er i god behald, tre framleis sakna

Mannskapet på 'Steve Irwin' fann ein tom redningslfåte på havet i dag.

Foto: Barbara Veiga

Kaptein Jarle Andhøy på skuta «Berserk» ringde sjølv Hovudredningssentralen i Bodø.

• BENT TANDSTADbent.tandstad@nrk.no

Publisert 23.02.2011 22:49. Oppdatert i dag 05:08.

• Skriv ut
• Del/tips

Kaptein Jarle Andhøy og ein til frå mannskapet har vore på polpunktet med ATV-ar.

Foto: Arne Raanaas/NRK

– Klokka 0130 ringde Jarle Andhøy hit til Hovudredningssentralen i Bodø og sa at han og ein frå mannskapet er 100 miles frå Scott-basen. Han kunne fortelje at de er i god form, men at det er mykje vind i området, seier redningsleiar Finn Tore Sortland ved Hovudredningssentralen i Nord-Noreg.

Betyr det at tre framleis er sakna?

–Det stemmer at det er tre igjen på «Berserk» og det er dei vi no leitar etter. Andøy fortalde at det var nokre dagar sidan han hadde vore i kontakt med mannskapet på båten, seier Sortland. 

VIDEO: Sjå innslaget i Kveldsnytt.

I går søkte båtar og helikopter i tre timar etter den sakna norske seglbåten «Berserk» i Sørishavet, men det er enno ikkje funne spor etter fartøyet. Ein åttedel av området er gjennomsøkt.

Det er eit helikopter frå Sea Sheperd-fartøyet «Steve Irwin» som er i lufta for å leite etter den sakna norske båten. Det er fine leiteforhold i området med god sikt og ikkje så sterk vind.

«Vi har søkt gjennom rundt ein åttandedel av området»

Mal Holland

Søk nummer to

Navigasjonsoffiser om bord på «Steve Irwin», Mal Holland, seier til NRK ved 23-tida i kveld at helikopteret er i ferd med å fylle drivstoff for å gjere klar til eit søk nummer to. Då var klokka 11 på føremiddagen der nede.

Holland fortel at dei konsentrerer seg om å leite på sjøen og langs strendene, og at helikopteret ikkje har leitt etter dei to som kan vere på land.

- Både vi og den newzealandske redningstenesta har prøvd å kome i kontakt med «Berserk» via radio, men utan å lukkast, seier han.

Det er ikkje funne spor etter den sakna norske siglbåten 'Berserk'.

Foto: wildvikings

«- Ja, vi har håp om å finne mannskapet på "Berserk" i live.»

Mal Holland